30.01.1938_nordlicht
Dies ist eine alte Version des Dokuments!
30.01.1938
| Sewjerina w cyłej Ewropje widźeć | Nordlicht in ganz Europa zu sehen |
|---|---|
| Prěni zapis w najnowšej knize-chronice wosady Radwor z 30. januara 1938 je hižo bicarny a móže k dźiwanju a přemyslenju pohnuć – najebać wědomostneho wujasnjenja. Na tutym dnju wotmě so změna wyškow w Radworskej wotnožce boromejskich sotrow. Farar Józef Nowak pisa w chronice k tomu sćěhowace: „… Jako smy potom, bě někak wječor po 8 h, sej cyrkej wobhladać chcyli, napadny nam swojorazna čerwjeń njebja, wosebje na sewjeru, purpurowa barba, podobna barbje zrałych truskalcow. Jako zadźiwani přirodny zjaw wobkedźbowachmy, so čerwjeń po něčim do zapada sćahny. Pruhi wuchadźachu nětko z horiconta horje horje hač do njebja. Při tym bě powětr jara jasny a hwězdy swěćachu. Snano poł hodźiny wobkedźbowachmy přichad a wotchad čerwjeneho swětła, kotrež nichtó wujasnić njemóžeše. Zwóńk měnješe, zo su to wojerske zwučowanja. Mater z Trebnitza měnješe, hač drje to na kónc swěta pokaza. Ja běch měnjenja, zo je to stratosferiski zjaw był. Na druhi dźeń přińdźe potom rozrisanje. Hižo šulski domownik powědaše, zo je přez radijo słyšał, zo su zjaw tež w bayerskich Alpach widźeli: Bě to sewjerna swěca była, kotruž běchmy widźeli. Ludźo pak měnjachu, zo budźe nětk bórze wójna wudyrić. Tež před wójnomaj 1870 a 1914 su njebjesa do toho krawnje čerwjene byli. Dotal njebě drje nichtó we wsy hdy sewjerne swětło widźał. Tež w druhich krajach Europy sy wot 8-10h spodźiwny zjaw widźeć móhł.“ Nochcemy dźě přiwěrkojći być – ale dźensa wěmy - druha swětowa wójna steješe před durjemi… |
30.01.1938_nordlicht.1656269973.txt.gz · Zuletzt geändert: 2022/06/26 18:59 von admin
Seiten-Werkzeuge
Falls nicht anders bezeichnet, ist der Inhalt dieses Wikis unter der folgenden Lizenz veröffentlicht: CC Attribution-Share Alike 4.0 International
