Radibor - Chronik

25.07.1891

Baćonscy přiwjezu zakładny kamjeń za nowu cyrkej

Die Storchaer bringen den Grundstein für die Radiborer neue Kirche

Dnja 15.07.1891 přiwjezechu někotři wěriwi z Baćonja (wosada je so tam hakle 1909 załožiła!) rjenje wupyšeny (“wobwěncowany”) zakładny kamjeń za planowanu Radworsku nowu cyrkej. Radworćenjo wšak běchu w lěće 1882 tež zakładny kamjeń za Baćonsku cyrkej darili.
Kamjeń je darił kubler Jakub Pjech z Baćonja. Je ze skały knjeza Šócki w Hórkach. Knjez Šócka z jednym dźěłaćerjom 50 centnarjow ćežki kamjeń sam přewodźeše a wotkładowanje kamjenja wosobinsce nawjedowaše.
Kamjeń přiwjezechu z wulkim wozom, do kotrehož běchu 4 koni zapřehnjenych.
Knjez Administrator Žur a dwaj jěcharjej dźěchu zapřahej napřećo a witachu Baćonskich ze zakładnym kamjenjom dźakliwje a wutrobnje.
Dalši jěcharjo běchu so zapozdźili…a z wosadnych přińdźechu jeno mało ludźi sebi tutón wulkotny kamjeń wobhladać.
Mikławš Žur pisa sam tróšku zludany “Wosebje wozjewił dźěn so přichad kamjenja njeje, a to tež bjez dźiwa při zmyslenju, kotrež je dotal wosebje mjez wobydlerjemi Radworja z wjetšeho dźěla napřećo tak nuznje nowotwarjomnej farskej cyrkwi knježiło”
Tak jasnje njeje drje na žanym druhim blaku wuprajene, kajka nahlada, kajke rozdźělne měnjenje wo nowotwarje cyrkwje tehdy – w 3. lěće přihotow nowotwara - w ludnosći knježeše!
Lochce so twarc noweje cyrkwje – Mikławš Žur – zawěrno njeměješe!

Cyły nastawk Mikławša Žura wo přiwjezenju zakładneho kamjenja (Posoł 01.08.1891) namakaće, hdyž na tutu linku kliknjeće.

Am 15.07.1891 brachten einige Gläubige aus Storcha (die Kirchgemeinde wurde dort erst 1909 gegründet!) den schön geschmückten Grundstein für die geplante Radiborer neue Kirche.
Die Radiborer haben im Jahre 1882 ebenfalls den Grundstein für die Storchaer Kirche geschenkt.
Den Stein hat Gutsbesitzer Jakob Pech aus Storcha für den Radiborer Kirchenbau geschenkt.
Der Stein ist aus dem Steinbruch von Herrn Schocka in Horka. Herr Schocka begleitete mit einem Arbeiter den 50 Zentner schweren Stein selbst und leitete das Ablegen des Steins persönlich.
Den Stein brachten sie mit einem großen Wagen, in den 4 Pferde eingespannt waren.
Herr Administrator Sauer und zwei Reiter gingen dem Gespann entgegen und begrüßten die Storchaer mit dem Grundstein dankbar und herzlich.
Weitere Radiborer Reiter hatten sich verspätet… und aus der Gemeinde kamen nur wenige Menschen sich diesen wunderbaren Stein anzuschauen.
Nikolaus Sauer schreibt selbst etwas frustriert “Besonders verkündet wurde die Ankunft des Steins ja nicht, und das ist auch kein Wunder bei der Gesinnung, die besonders unter den Einwohnern von Radibor größtenteils gegenüber der so dringend neu zu erbauenden Pfarrkirche herrscht…!“
So klar ist wohl an keiner anderen Stelle ausgesprochen worden, welch unterschiedliche Ansichten, welche gespaltene Meinung zum Neubau der Kirche damals – im 3. Jahr der Vorbereitungen des Baus - in der Bevölkerung herrschte.
Leicht hatte es der Erbauer der neuen Kirche – Nikolaus Sauer - wirklich nicht!

start…………………….1891

Radibor - Chronik

Benutzer-Werkzeuge

Webseiten-Werkzeuge

25.07.1891

Seiten-Werkzeuge