1._halbjahr_-_sparkasse_gegruendet
Dies ist eine alte Version des Dokuments!
1. Halbjahr 1892
| Prěnja nalutowarnja so załoži | Die erste Sparkasse wird gegründet |
|---|---|
| W lěće 1992 so w Radworju prěnja nalutowarnja po Raiffeisenowych zasadach zarjadowa. Zajimałe je, koho do předsydstwa wuzwolichu a štó bě lokalnje zamołwity. Tu k tomu nastawk z Katolskeho Posoła z dnja 16.07.1892 (rěč a prawopis aktualizowane): Z Radworja. W běhu zańdźeneho połlěta so tež pola nas „lutowarnja a požčernja„ po Raiffeisenowych zasadach załoži. K nawjedowanju towarstwa wuzwolichu so kk. kapłan J. Nowak za předsydu, J. Hantuš-Bronjanski za městopředsydu, J. Hantuš-Radworski, J. Kilian-Kamjenjanski a M. Kubaš-Chasowski za dalšich sobustawow předsydstwa, k. administrator M. Žur za předsydu dohladnistwa, k. M. Smoła-Bronjanski za městopředsydu a k. cyrkwinski wučer Šołta za ličerja (pokładnika). — Pjenjezy přijimać a wupłaćeć budźa so prěnju a trěću njedźelu kóždeho měsaca (t. j. zwjetša na njedźelach, na kotrychž je „Posoł“), a to popołdnju po nyšporje (w 3 hodź.) na šuli (deleka na prawu ruku). Dań płaći so po samsnych prawidłach a w samsnej wysokosći, kaž na krajnostawskej bance w Budyšinje. Na dań přinjesć smě kóždy, tež tajcy, kotřiž sobustawy njejsu, potajkim tež słužowni a dźěći. Zhubić při tym ničo móžno njeje, dokelž maja wšitke sobustawy ze swojim cyłym wobsedźenstwom a zamóženjom za kóždy nowy pjenježk rukować. — Prěni króć přijimać budźa so pjenjezy, jeli mjez tym wotmołwa wot hamtskeho sudnistwa dóńdźe, wurjadnje njedźelu 31. julija, tak zo budźa so hnydom wot přichodneho dnja danić. | nem |
1._halbjahr_-_sparkasse_gegruendet.1664559887.txt.gz · Zuletzt geändert: 2022/09/30 17:44 von admin
Seiten-Werkzeuge
Falls nicht anders bezeichnet, ist der Inhalt dieses Wikis unter der folgenden Lizenz veröffentlicht: CC Attribution-Share Alike 4.0 International
