reno-kirche1990
Dies ist eine alte Version des Dokuments!
22.12.1990
| Renowacija cyrkwje zakónčena | Kirchenrenovierung abgeschlossen |
|---|---|
| Renowacija wosadneje cyrkwje započina so w měrcu 1988 ze zaróštowanjom wołtarnišća. W aprylu so elektrika na načasny staw zmodernizowa, w meji so molerske dźěła we wołtarnišću započinachu a dwaj dnjej do patoržicy móžeše so potom wotróštować. W juniju a juliju so třěchi hłowneje a pobóčneju łódźow z kumštnym šćěpjelom překrychu. W januaru 1989 so ławki přetwarichu – rozćehnjechu, tak zo je nětko 6 ławkow mjenje ale za to wjac ruma ke klečenju. W aprylu 1989 so cyrkej za molerske a druhe dźěła we hłownej a pobóčnymaj łódźomaj znutřka cyle zaróštowa (po 50 lětach zaso). Zaměr renowaciju cyrkwje, kiž bě so 1988 započinała, hač k primicy kapłana Wita Scapana, dnja 01.07.1990, zakónčić, so jeno dźělnje poradźi: Hłowna łódź bě k tutomu wulkemu swjedźenjej Radworskeje wosady hotowa a wotróštowana. Nimo ryzy dźěłowych a techniskich problemow a tři měsačneho přetorhnjenja twarskeho dźěła dla njezboža wšako so tež wobstejnosće politiskeho přewróta wuskutkowachu. Tak so runje na dnju primicy pjenjezy do D-Marki přeměnichu. Z tym so tež twaršćizny a twarske dźěła jara podróšichu. Tola ke kóncej lěta běchu wšitke dźěła tež na pobóčnymaj łódźomaj a na chórje skónčene - hdyž tež z wulkim dołhom za wosadu. |
reno-kirche1990.1648744101.txt.gz · Zuletzt geändert: 2022/03/31 16:28 von admin
Seiten-Werkzeuge
Falls nicht anders bezeichnet, ist der Inhalt dieses Wikis unter der folgenden Lizenz veröffentlicht: CC Attribution-Share Alike 4.0 International
