muehlhauserstrassenbau1994
Dies ist eine alte Version des Dokuments!
07.10.1994
| Ponowjena dróha w Młynskich chěžach přepodata | Erneuerte Straße in den Mühlhäusern übergeben |
|---|---|
| Radworske „Młynske chěže“ mějachu wjele lět jednoru drohu bjez kruteho powjercha. Bě přewšo dźěrata a po dešću łužata a błóćana, zo sy móhł lědma po njej jědź. W lěće 1993 rozsudźi so tuž gmejnska rada, zo ma so dróha sporjedźeć - a to nic jeno na powjerchu - ale zakładnje ze składźenjom wšitkich trěbnych medijow kaž wodu, wotwodu, separatnej dešćowu wodu (!), milinu, telefon atd. a z nowym wobswětlenjom. W aprylu 1994 z dźěłami započinachu a po někak pjeć měsacach bě dźěło zdokonjane. Nětko móžeše so dróha widźeć dać, prajachu tehdy, zo bě najrjeńša w Radworju - bjez dźiwa - twarjena po aktualnych předpismach z rjanym wobswětlenjom a asfaltowanym powjerchom. Wjesnjanosta W. Baberška praji tuž hordźe, zo tutu rjanu drohu nětk njebudu tak chětř zaso wotewrěć a reparować dyrbjeć (w tutym dypku je so bohužel mylił…). Twar je gmejnu cyłkownje 370.000 hriwnow płaćił, ale su to derje nałoženy pjenjezy wuzběhny. Składnostnje oficialneho přepodaća, dnja 07.10.1994, wuhotowachu sebi wobydlerjo dróhi mały dróhowy swjedźeń. Wjesnjanosta a sobudźěłaćer twarskeje firmy z Wulkeje Dubrawy sadźištaj k dopomnjeću na twar dróhi zhromadnje štomik. K tomu zaspěwachu přitomni kěrluš a při piwku a praženym prosatku swjedźeń wuklinča. Wuzběhnyć ma so hišće, zo je dróha postajena jako hrajkanska dróha - a tuž móžeja wjesne dźěći wot toho časa so tu bjez stracha hrajkać a harować. |
muehlhauserstrassenbau1994.1646934828.txt.gz · Zuletzt geändert: 2022/03/10 17:53 von admin
Seiten-Werkzeuge
Falls nicht anders bezeichnet, ist der Inhalt dieses Wikis unter der folgenden Lizenz veröffentlicht: CC Attribution-Share Alike 4.0 International
