Benutzer-Werkzeuge

Webseiten-Werkzeuge


25.11.2021_hronowski_kriz

24.11.2021

Hronowski křiž znowa poswjećeny Betkreuz für Ronow neu geweiht
Dnja 24. nowembra 2021 poswjeći Farar Beno Jakubaš swjaty křiž mjez Kamjenej a Wulkej Dubrawu, kiž bu nalěćo 2021 złowólnje powaleny a skóncowany. Křiž bu z wosebitej podpěru Radworskeje wjesnjanostki, Madeleine Rentschowej, wot restawratora Mikławša Dyrlicha sporjedźany a z pomocu wobydlerjow gmejny znowa postajeny.
Křiž, kiž bu k wopomnjeću na něhdy zapušćenu wjes Hronow postajeny, je so dyrbjał dla złowólnych wobškodźenjow hižo k 7. razej restawrować, kaž knjez Mikławš Dyrlich praji.
Dla Corony móžeše so jeno jara mała ličba ludźi na krótkej pobožnosći wobdźělić. Nimo fararja Jakubaša běchu wjesnjanostka a sobudźěłaćerjej twarskeho wotrjada gmejny, restawrator, wosadny radźićel a dalši aktiwny Radworčan přitomni.
Farar Jakubaš dźakowaše we wobłuku pobožnosće wšěm, kotřiž běchu so za to angažowali, zo móže nabožno-kulturny pomnik blisko něhdyšeho Hronowa zaso na swojim městnje stać a na struchły wosud wjeski dopominać.

Foto: J. Nuck
Am 24. November 2021 weihte Pfarrer Benno Jakubasch das BetKreuz zwischen Camina und Großdubrau, welches im Frühjahr 2021 böswillig zerstört worden war. Das Kreuz wurde mit besonderer Unterstützung der Radiborer Bürgermeisterin, Madeleine Rentsch, vom Restaurator Nikolaus Dyrlich repariert und restauriert und mit Hilfe von Einwohnern der Gemeinde neu aufgestellt. Das Bet-Kreuz, das zum Gedenken an das einst verwüstete Dorf Hronow aufgestellt wurde, musste wegen böswilliger Beschädigungen bereits zum 7. Mal repariert und restauriert werden, wie Herr Nikolaus Dyrlich sagte.
Wegen Corona konnte nur eine sehr kleine Zahl von Menschen an der kurzen Andacht teilnehmen. Außer Pfarrer Jakubasch waren die Bürgermeisterin, Mitarbeiter der Bauabteilung der Gemeinde, der Restaurator, ein Kirchenrat und ein weiterer aktiver Radiborer anwesend.
Pfarrer Jakubasch dankte im Rahmen der Andacht allen, die sich dafür engagiert haben, dass das religiös-kulturelle Denkmal in der Nähe des ehemaligen Dorfes Hronow wieder an seinem Platz stehen und an das traurige Schicksal des Dorfes erinnern kann.

start………..2021

25.11.2021_hronowski_kriz.txt · Zuletzt geändert: 2022/11/20 10:09 von admin