19.03.2006_buergermeisterwahlen
Dies ist eine alte Version des Dokuments!
19.03.2006
| Wólby wjesnjanosty | Bürgermeisterwahlen |
|---|---|
| Dnja 09.03.2006 běchu w Radworju wotpowědnje 7-lětnemu turnusej wólby wjesnjanosty. Dotalny wjesnjanosta Wincenc Baberška wostanje tež přichodne sydom lět w tutym zastojnstwje, kotrež hižo z lěta 1992 wukonja. Při wčerawšich wólbach wupraji so 94,9 procentow ludźi po wšej gmejnje za njeho. Wólbne wobdźělenje mjez cyłkownje 2 800 wólbokmanymi wučinješe přerěznje 43,9 procentow. Rozdźělne wólbne zadźerženje bě we wšelakich dźělach gmejny widźomne. Mjeztym zo dźěše w Radworju a Chelnje połojca wšěch wólbokmanych do wólbneho lokala, činješe tole w něhdyšej Minakałskej gmejnje, kotraž bu 1999 do Radworja zagmejnowana, jeno třećina. Tam bě tež přihłosowanje za Baberšku z 85 procentami najsnadniše. Porno tomu wupraji so w Radworju 97 procentow a w Chelnje samo 98,5 proc. za njeho. Mjez prěnimi gratulantami běštaj krajny rada Michał Harig a nawoda wjesneje skupiny CDU Hagen Wjacławk. Wonaj so zhromadnje z druhimi wjeseleštaj, zo je kandidat strony tak wjele hłosow dóstał. Wincencej Baberšce je wólbny wuslědk zdobom pohon, so dale za wobydlerjow zasadźować. |
19.03.2006_buergermeisterwahlen.1703866922.txt.gz · Zuletzt geändert: 2023/12/29 16:22 von admin
Seiten-Werkzeuge
Falls nicht anders bezeichnet, ist der Inhalt dieses Wikis unter der folgenden Lizenz veröffentlicht: CC Attribution-Share Alike 4.0 International
