18.02.2013_a-brankatschk
Dies ist eine alte Version des Dokuments!
18.02.2013
| Dołholětny zasłužbny dirigent chóra „Meja“ zemrěł | Der langjährige Dirigent des Chores „Meja“ verstorben |
|---|---|
| Po dlěšej ćežkej chorosći zemrě dnja 18.02.2013 zasłužbny kulturnik, wučer a wuběrny dirigent serbskich chórow, Achim Brankačk. Wón narodźi so 21.08.1926 w Měrkowje a chodźeš w Radworju do šule. Po nawróće z wójnskeje jatby wukubła so na wučerja. 47 lět wučerješe na serbskich wyšich šulach – serbskej rozšěrjenej wyšej šuli a po přewróće na gymnaziju. Lětdźesatki nawjedowaše šulerske chóry. Wosebje na wutrobje ležeše jemu chór 1. Kulturneje brigady serbskeje rozšěrjenej wyšeje šule. Najwjetšu zasłužbu pak je sej jako dirigent Radworskeho chóra “Meja” zdobył. Po Jurju Winarju přewza wón na nastork Radworskeho fararja Józefa Nowaka dirigentstwo najstaršeho serbskeho chóra a dirigowaše jón prěni raz składnostnje primicy sobušulerja, Jurja Krala dnja 14.04.1952. Na wšěch 47 lět je so z cyłej wutrobu za “swój” chór – Meju- , ale tež za zhromadne projekty z druhimi serbskimi chórami, angažował. Za swoje zasłužby wo serbsku spěwnu kulturu dósta dwójce myto Ćišinskeho a Wuměłstwowe myto Domowiny. Serbski narod ma so njeboćičkemu wjele dźakować. Póndźelu, dnja 25.02.2013 bu na Budyskim Mikławšku z přewodom wulkeje syły Serbow, bywšich šulerjow a swěrnych spěwarjow pochowany. Njech wotpočuje w měrje w serbskej zemi! | deutsch |
18.02.2013_a-brankatschk.1741986786.txt.gz · Zuletzt geändert: 2025/03/14 21:13 von admin
Seiten-Werkzeuge
Falls nicht anders bezeichnet, ist der Inhalt dieses Wikis unter der folgenden Lizenz veröffentlicht: CC Attribution-Share Alike 4.0 International
