Radibor - Chronik

Pjatk 10. meje 1985 zemrě nahle knjez duchowny rada Jurij Herman na swojim wuměnku w Radworju, na kotryž bě so hakle 18. januara tutoho lěta podał, po tym, zo bě k 15.12.1984 ze strowotnych přičin faru we Njebjelčicach spušćił. Knjez Jurij Herman je w lětach 1956 do 1963 w Radworju jako kapłan skutkował a bě z Radworskim fararjom w lětach 1968-1976. Za swoje skutkowanje a za swoju słužbu je wosebite wotpowědne čłowjeske kmanosće měł, je zamóhł z ludźimi wobchadźeć, z nimi so rozmołwjeć, je so starał wo dušine zbožo swojich wosadnych, je zdokonjał wosady w duchu přezjednoty nawjedować. Jako młodźinski kapłan njeje ze swojim hudźbnym talentom a wjesołej powahu jenož młodych zahorjał, ale bě w Radworskej wosadźe pola wšěch generacijow woblubowany. Tež hdyž jako farar zaso do Radworja přińdźe, běchu jeho čłowjeska powaha, jednorosć a towaršliwosć za njeho charakteristiske. Wutoru, dnja 14.05.1985 bu duchowny rada Jurij Herman na Radworskim pohrjebnišću z jara wulkim přewodom pochowany. Njebjelčanski cyrkwinski chór spěwaše swojemu poslednjemu fararjej a knjez biskop Gerhard Schaffran měješe swjatočny rekwiem w Radworskej farskej cyrkwi. Njech wotpočuje w měrje na pohrjebnišću Radworskim, w nadźiji na zrowastanjenje.

start……………………………1985