Radibor - Chronik

Wutoru, dnja 08. Julija wotmě so krótka swjatočnosć na kotrejž činješe šulski direktor, Beno Šołta, prěni zaryw za nowotwar přitwara k šuli „Dr. Marja Grólmusec“. Šulski objekt, kotryž ma 8 rjadownjow a kotryž płaćeše 1,1 mio hr., měješe so hač do 31.12.1970 dotwarić.
W přitomnosći wobydlerjow, gmejnskich zapósłancow, wučerjow a twarskeje firmy Birke z Małeho Wjelkowa wuzběhny wjesnjanostka Anni Dickowa, zo je tónle twar wulki podawk za cyłu Radworsku gmejnu.