07.01.1946-wustal
Dies ist eine alte Version des Dokuments!
07.01.1946
| 18. Mikławšowy turněr | 18. Nikolausturnier |
|---|---|
| Po wójnje pobrachowachu wjele wučerjow. Wšako njeběchu so tójšto młodych wučerjow wjace z wójny abo hišće nic z wójnskeje jatby wróćiło. Wjele nacistiskich wučerjow so do noweho šulstwa njepřewzachu. Wosebje kritiska bě situacija pola serbskich wučerjow - serbska wučba njeje so w nacistiskim času wjace podawać směła. Tohodla prócowaše so Domowina hižo wot 1945 sem wo kubłanišćo a wukubłanje serbskich wučerjow. Radworski hród so ze zemskej reformu do rukow VdgB (Vereinigung der gegenseitigen Bauernhilfe) přepoda. VdgB přewostaji po dorěčenju z Domowinu a sowjetskej wojerskej komandanturu hród wokrjesnemu šulskemu zarjadej za wutworjenje statneho wučerskeho wustawa z přizamknjenym internatom. Dnja 07.01.1946 bě swjatočne wotewrjenje wustawa, hdźež Pawoł Nedo, předsyda Domowiny a pozdźišišulski rada, narěč měješe a młodych nowowučerjow wosebje do narodneho dźěła pohonjowaše. Dnja 08.01.1946 so wukubłanje započina - a to we dwěmaj rjadownjomaj - jednej serbskej a jednej němskej. W prěnim lěće wukubłachu so 282 nowowučerjow, 170 serbskich a 112 němskich. W lětach 1951/52 naroki na wukubłanje dale rozrosćechu, městna a rjadownje za naročne wukubłanje wjace njedosahachu. Tohodla přećehnje wučerski wustaw k 01.08.1952 do Małeho Wjelkowa. |
07.01.1946-wustal.1673614191.txt.gz · Zuletzt geändert: 2023/01/13 12:49 von admin
Seiten-Werkzeuge
Falls nicht anders bezeichnet, ist der Inhalt dieses Wikis unter der folgenden Lizenz veröffentlicht: CC Attribution-Share Alike 4.0 International
