jahr_1877
Dies ist eine alte Version des Dokuments!
December 1877
| Prěnje předstajenje telefonowanja w Radworju | Erste Telefonvorführung in Radibor |
|---|---|
| Po SN, 15.12.1877 Wóndano běchu někotři Budyscy knježa na wopytanje sem přijěli a běše z nimi tež jedyn knjez z Drježdźan. Tutón běše dwaj telefonaj sobu přinjesł a tehodla tež dołho njetraješe a počachu z nimaj telefonować. To so na tajke wašnje sta, so někotři s tym jednym telefonom w jednej stwě wostachu, druzy pak s druhim telefonom do druheje stwy dźěchu. Wobaj telefonaj běštaj pak z grotom, 40 metrow dołhim, zjednoćenaj a tutón grót na špundowanju ležeše a běše k tym wšelakim durjam, přez kotrež dźěše, přizačinjeny a to tehodla, zo njeby zyma do jstwy stupała, hdyž by ta wotewrjena wostała. — Potom jedyn do swojeho telefona rěčeše, druhi pak swój telefon k wuchu dźeržeše a posłuchaše, na to zaso tutón rěčeše a tamón posłuchaše, a běše wšo derje zrozumić. Přispomnić chcemy tež, zo je so tu tež wjele w serbskej rěči telefonowało a zo drje je naš Radwor na cyłym swěće prěni był, hdźež je telefon serbskej rěči słužił! |
jahr_1877.1644344029.txt.gz · Zuletzt geändert: 2022/02/08 18:13 von admin
Seiten-Werkzeuge
Falls nicht anders bezeichnet, ist der Inhalt dieses Wikis unter der folgenden Lizenz veröffentlicht: CC Attribution-Share Alike 4.0 International
