30.09.2006_erweitertes_graetehaus
Dies ist eine alte Version des Dokuments!
30.09.2006
| Ponowjena gratownja wohnjoweje wobory | Erweiterung des Feuerwehrhauses von Radibor |
|---|---|
| Spočatk lěta 2005 bě gmejna Radwor próstwu wo spěchowanske srědki za rozšěrjenje a ponowjenje gratownje wohnjoweje wobory stajiła. W nowembru přińdźe připrajenje spěchowanskich srědkow a 12.01.2006 bě hižo „Prěni zaryw“. Zběhanka móžeše so 12.05.2006 swjećić. K tomu dóńdźe za gmejnu přewšo zwjeselaca informacija, zo njespěchuja so jenož prěnjotnje připrajene 50 % cyłkownych wudawkow 575.000 €, ale samo 69 %! We wobłuku twarskich naprawow nastachu dospołnje nowe sanitarne rumy a běrow za nawodu wobory. Kubłanske rumnosće buchu wobnowjene a zdźěla powjetšene, nowe moderne tepjenje na bazy zastaranja z bliskoćopłotu (100 % na biopłunoweje bazy) bu wot w gmejnje zasydleneho inwestora instalowane. Sobotu, 30.09.2006 bě potom tak daloko, zo móžeše so dospołnje ponowjeny a rozšěrjeny twar wohnjowoborneje gratownje swjatočnje swojemu wužiwanju přepodać. Nimo zastupjerjow mnohich spřećelenych woborow z wokolnych gmejnow witaše wjesnjanosta Wincenc Baberška zapósłanca Sakskeho krajneho sejma Marka Šimana (CDU) a decernenta Matthiasa Bielicha, kotryž zastupowaše krajneho radu. W swojej narěči dopominaše Baberška na lěto 1978, jako běchu wobornicy gratownju z wulkej prócu natwarili. Předewšěm wuzběhny wón tehdyšeho nawodu Gerata Šmidta. Dźensa 80-lětny je swoje zastojnstwo synej Rüdigerej „dale dał“. Připóznawajo zasłužby Gerata Šmidta, kiž je hižo 67 lět z čłonom Radworskeje wohnjoweje wobory, pomjenowachu jeho za čestneho nawodu wobornikow. Chwačanski farar Wilfried Noack a Wotrowski duchowny Tomasz Dawidowski gratownju požohnowaštaj a zakantorištaj serbsce a němsce „Tebje my Boha chwalimy“. Dźěći Radworskeje AWO-pěstowarnje swjatočnosć z małym programom wobrubichu. |
30.09.2006_erweitertes_graetehaus.1703527103.txt.gz · Zuletzt geändert: 2023/12/25 17:58 von admin
Seiten-Werkzeuge
Falls nicht anders bezeichnet, ist der Inhalt dieses Wikis unter der folgenden Lizenz veröffentlicht: CC Attribution-Share Alike 4.0 International
