28.06.2013_gedenkstein_lehmann
Dies ist eine alte Version des Dokuments!
28.06.2013
| Pomnik za prof. dra. Mikławša Wićaza wotkryty | Gedenkstein für Prof. Dr. Nikolaus Lehmann enthüllt |
|---|---|
| Dnja 28.06.2013 bu w Kamjenej pomnik za wědomostnika profesora Mikławša Wićaza w přitomnosći něhdźe 80 hosći – wědomostnikow, wjesnjanow a znatych Wićaza - wotkryty. Nastork a organizacija postajenja pomnika wuchadźeše z małeje iniciatiwneje skupiny hromadźe ze swójbu Bohotec, kotraž je před lětami statok a ležownosć něhdyšeho Wićazec rězaka kupiła, w kotrymž je so Mikławš ja syn serbskeho małopředewzaćela w lěće 1921 narodźił. Na tutej ležownosći při wjesnym puću bu pomnik z granita postajeny. Zemrěł je profesor Mikławš Wićaz w lěće 1998 w Drježdźanach, hdźež je wulki dźěl swojeho powołanskeho žiwjenja na techniskej Uniwersiće dźěłał. Tam bě prěni ličenski awtomat D1 w NDR konstruował a 1960 prěni małoličak wuwił. Wón bě mjezynarodnje připóznata kapacita na swojim polu a liči so k pioněram informatiki. Wot lěta 1956 do 1986 nawjedowaše na Drježdźanskej Techniskej uniwersiće jako direktor wobłuk kybernetiki a ličenskeje techniki. Jeho pozdźišo załoženy institut zwjedźe do mjezynarodnje připóznateho slědźerskeho srjedźišća. To wuchadźa tež ze słowow bywšeho generalneho sekretara Zjednoćenych narodow Kofija Annana 27.apryla 1999 w Drježdźanach: „Mi bě so wo ličenskich awtomatach profesora Mikławša Joachima Wićaza powědało, kotryž bě w zažnych šěsćdźesatych lětach … puć k wuwiću modernych kompjuterow zawěsćił.“ Wićaz je so čas žiwjenja jako Serb wuznawał. Hišće jako wuměnkar je čitał Serbsku nowinu a Katolski posoł – kaž znaći z Łužicy, kiž jeho wopytowachu, na swjedźenju wotkryć pomnika rozprawjachu. |
Lehmann hat sich zeitlebens als Sorbe bekannt. Noch als Rentner hat er die Sorbische Zeitung gelesen und den Katolski Posoł – wie Bekannte aus der Lausitz, die ihn besuchten, beim der Feierlichkeit zur Enthüllung seines Denkmals berichteten.|
Foto: PKL
Das Leben und Wirken von Prof. N. J. Lehmann
TU-Dresden: N. J. Lehmann – Zum 100. Geburtstag
28.06.2013_gedenkstein_lehmann.1747672851.txt.gz · Zuletzt geändert: 2025/05/19 16:40 von admin
Seiten-Werkzeuge
Falls nicht anders bezeichnet, ist der Inhalt dieses Wikis unter der folgenden Lizenz veröffentlicht: CC Attribution-Share Alike 4.0 International
