28.03.1882_grundtein_storcha
Dies ist eine alte Version des Dokuments!
28.03.1882
| Zakładny kamjeń za Baćonsku cyrkej | Grundstein für die Storchaer Kirche |
|---|---|
| Radworscy wosadni darichu w lěće 1882 zakładny kamjeń za Baćonsku cyrkej. Tu posłowny cc z Katolskeho posła z měrca 1882: \\Zakładny kamjeń Baćonskeje cyrkwje Zajimawu nowinku roznjese KP lěta 1882 po Serbach. Tu ju maće!\\Štož so lěta 1876 na namjet Mikławša Mišnarja Radworskeho wobzamkny, dokonja so 28. Měrca 1. 1882. W skale „na wincach« Mikławš Wjerab Chelnjanski a Jan Rječka Radworski 9. měrca přihódny kamjeń wotkałaštaj; Jan Wjerab Łupjanski a Pětr Wjerab Chelnjanski jón wobdypaštaj. 27. měrca popołdnju kamjeń ze skały zwalachu a na wóz Jana Mjenja Chelnjanskeho zběžechu a z fararjowymaj konjomaj do Radworja dowjezechu. Wutoru dopołdnja (28. měrca) kamjeń z plećwami wobwěšachu; popołdnju štwórć na dwě konje Jana Mjenja a Korle Wanaka z Chelna zapřežechu a kamjeń ze wsy wjezechu. Prědku jěchachu: Jan Cyž, Aug. Mišnar, Michał Połlenk z Radworja a Pětr Křižan z Bronja. Zady wjezeše Michał Šćěpan z Radworja pomocnikow (6 muži) a wšelake dźěłaćerski naporjad. Jasny zwuk cyrkwinskich zwonow přewodźachu zakładny kamjeń přejo sej, zo bychu so bórze zynki susodneje Baćonskeje cyrkwje k nim znošowałe. Wot Haslowa do Baćonja witachu sylne wrjeski skalnych wutřělow a ručnych třělbow zakładny kamjeń; na twarnišću jón z woza wzachu. W Radworju pomhachu: Jan Cyž z wotročkom, Hałkec Mikławšom, fararjec wotročk Handrij Kral a pohonč Handrij Šołta, Jan Buk, Mich. Poleńk, Aug. Mišnar, Mikł. Kubańk, Mikł. Šołta, Mich. Ćemjer, Mikł. Bjarš, Jan Rostok a Mikł. Hantuš z Radworja, Mikł. a Pětr Wjerabaj z Chelna; w Baćonju: Mich. Ćemjer, Mikł., Šołta, Mikł. Kubańk, Jan Rječka, Jan Rostok z Radworja a Mikł. Wjerab z Chelna. KP 1882, 66 | nem |
28.03.1882_grundtein_storcha.1662050566.txt.gz · Zuletzt geändert: 2022/09/01 16:42 von admin
Seiten-Werkzeuge
Falls nicht anders bezeichnet, ist der Inhalt dieses Wikis unter der folgenden Lizenz veröffentlicht: CC Attribution-Share Alike 4.0 International
