Dies ist eine alte Version des Dokuments!
01.10.2015
| Přesadźowanje 4 serbskich fararjow | Umbesetzung von 4 sorbischen Pfarrern |
|---|---|
| W lěće 2015 připowě so ze stron Drježdźansko-Mišnjanskeho biskopstwa wjetše přesadźowanje serbskich katolskich fararjow. Kaž so wopokaza, njejednaše so tu wo jednotliwe znowa připokazanje fary, ale prawdźepodobnje wo “rotaciju”. Potrjechene běchu fary a fararjo w Chrósćicach, Radworju, Njebjelčicach a Ralbicach. Rozměry tutoho personalneho přerjadowanja w serbskich katolskich wosadach běchu tak wulke, zo nawjerćachu delanscy wosadni samo dlěši žortny film – parodiju - wo tutej “rotaciji”! Jako prěni wopušći něhdyši Radworski farar Clemes Hrjehor 1. septembra swoju dotalnu Chróšćan wosadu a přewza swoju nowu propstowsku wosadu w Kamjenicy, hdźež bu njedźelu dnja 06.09.2015 swjatočnje zapokazany. K 1. oktobrej přewzachu “nowi” fararjo swoje wosady, za kotrež mějachu wot toho dnja zamołwitosć. Tak rozžohnowa so Radworska wosada dnja 27.09.2015 swjatočnje a z dźakliwosću wot swojeho dotalneho fararja, Sćěpana Delana, kotryž bě 18 lět jako měšnik swěrnje Radworskej wosadźe słužił. Dnja 07.10.2015 so nowy Radworski farar, knjez Beno Jakubaš přez diecezanskeho administratora, Andreasa Kutschku, na swjedźenskej božej mši zapokaza – a dósta wot njeho tež symboliske cyrkwinske kluče. 10 křižerjow přewodźachu noweho fararja a biskopskeho administratora, kotrajž w a landawerje jědźeštaj, wot hranicy wosady w Chelnje hač k wosadnej cyrkwi. W Radworju witachu jeho wjesnjanosta V. Baberška, předsyda wosadneje rady B. Ješka, 15 družkow - z kotrychž jedna basnju přednjese - a kopaće połna wobsadźena wosadna cyrkej! |
So verabschiedete sich die Radiborer Pfarrgemeinde am 27.09.2015 feierlich und mit Dankbarkeit von ihrem bisherigen Pfarrer, Stephan Delan, der 18 Jahre lang als Priester treu der Radiborer Gemeinde gedient hatte.
Am 07.10.2015 wurde der neue Radiborer Pfarrer, Herr Benno Jakubasch, durch den Diözesanadministrator, Andreas Kutschke, mit einem Festgottesdienst eingeführt und bekam von ihm auch die symbolischen Kirchenschlüssel. 10 Osterreiter |begleiteten den neuen Pfarrer und Bischöflichen Administrator, die in einem Landauer fuhren, von der Gemeindegrenze in Cölln bis zur Pfarrkirche. In Radibor begrüßten ihn der Bürgermeister V. Baberschke, der Vorsitzende des Kirchgemeinderates B. Jeschke, 15 „Druschkas“ - von denen ein Gedicht vortrug - und die absolut voll besetzte Pfarrkirche!|
Seiten-Werkzeuge
