24.02.1938_beerdigung_jakub_noack
Dies ist eine alte Version des Dokuments!
24.02.1938
| Pohrjeb Fararja Jakuba Nowaka (Horjanskeho) | Beerdigung des Pfarrers Jakob Noack (Horjanski) |
|---|---|
| Njeboh farar Jakub Nowak bě wot 1903 do 1931 farar w Radworskej wosadźe. Bě tu jara woblubowany jako starosćiwy a horliwy měšnik ale tež dla swojeje wjesołeje a žortniweje powahi. Je wjele po swěće pućował a dožiwjenja w přednoškach ludźom přistupnił – druhdy tež jara ironisce dožiwjenja wupyšejo, zo bě ćežko woprawdźitosć a žort rozeznawać. Farar Nowak, z literarnym přimjenom “Horjanski” (po swojej ródnej wjesce), je wjele do nowinow a časopisow dopisował a bě jara zajimowany na stawiznach Serbow a cyrkwje. Spisa brošurki wo stawiznach tachantstwa, serbskich wosadow ale tež wopisanja swojich pućowanjow „Wobrazki pućowanjow“ mjez druhim do Swjateho kraja wozjewi. Radworskej wosadźe je zawostajił wěno, z kotrymž móžachu hižo w lěće jeho smjerće nowe pišćele za wosadnu cyrkej financować. Njech wotpočuje na kěrchowje w swojim lubowanym Radworju w Božim pokoju. |
24.02.1938_beerdigung_jakub_noack.1755110396.txt.gz · Zuletzt geändert: 2025/08/13 18:39 von admin
Seiten-Werkzeuge
Falls nicht anders bezeichnet, ist der Inhalt dieses Wikis unter der folgenden Lizenz veröffentlicht: CC Attribution-Share Alike 4.0 International
