Benutzer-Werkzeuge
23.05.1988_eroeffnung_kreisfestival
23.05.1988
| Wotewrjenje wokrjesneho festiwala serbskeje kultury w „Meji“ | Eröffnung des Kreisfestivals sorbischer Kultur in der „Meja“ |
|---|---|
| Swjatkownu póndźelu, dnja 23. Meje, zahaji so wokrjesny festiwal serbskeje kultury w Radworskim cyle nowym hosćencu „Meja“. Program wuhotowachu smyčkowy kwartet „Korla Awgust Kocor“, chór „Meja“ a šulerski ansambl SPWŠ „Dr. Marja Grolmusec“ pod nawodom Grety Bejmakoweje. Z „Legendu“ wot Detlefa Kobjele, kotraž měješe 27. apryla 1988 w Parisu swoju prapremjeru, zahaji smyčkowy kwartet „Korla Awgust Kocor“ swjedźenske zarjadowanje. Najstarši serbski chór, Radworska “Meja” pod nazhonitym dirigentstwom Achima Brankačka postrowi z kantatu „Witaj meja“ wot Radworčanow Józefa Nowaka a Jurja Winarja wobdźělnikow swjatočnosće. Potom zarejowachu šulerki z Radworskeje šule „Dr. Marja Grolmusec“ wjesele „Žnjensku reju“, k čemuž chór dźěći zaspěwa. Wotměnjejo z “Meju” šulski chór a rejowanska skupina program wuhotowaštaj. Z póndźelnišim wotewrjenskim programom festiwala pak njebě kónc z kulturnymi zarjadowanjemi na žurli noweho hosćenca: Wutoru, dnja 24. meje, předstaji Radworska lajska dźiwadłowa skupina tam hru „Bur z herbstwom„, a štwórtk festiwalneho tydźenja wotměje so koncert Budyskeje hudźbneje šule z twórbami serbskich komponistow. | Am Pfingstmontag, dem 23. Mai, begann das Kreisfestival der sorbischen Kultur in der Radiborer neuen Gaststätte „Meja“. Das Programm gestalteten das Streichquartett „Korla Awgust Kocor“, der Chor „Meja“ und das Schülerensemble der SPOS „Dr. Maria Grollmuß“ unter der Leitung von Greta Böhmak. Mit der „Legende“ von Detlef Kobjela, die am 27. April 1988 in Paris ihre Uraufführung hatte, eröffnete das Streichquartett „Korla Awgust Kocor“ die Festveranstaltung. Der älteste sorbische Chor, die Radiborer „Meja“ unter der erfahrenen Dirigentschaft von Achim Brankatschk, begrüßte die Teilnehmer der Feierlichkeit mit der Kantate „Willkommen Monat Mai“ von den Radiborern Josef Noack und Georg Wiener. Dann tanzten Schülerinnen der Radiborer Schule „Dr. Maria Grollmuß“ fröhlich den „Erntetanz“, wozu der Kinderchor sang. Abwechselnd mit der „Meja ” gestalteten der Schulchor und die Tanzgruppe das Programm. Mit dem Eröffnungsprogramm des Festivals am Montag war aber nicht Schluss mit den Kulturveranstaltungen im Saal der neuen Gaststätte: Am Dienstag, dem 24. Mai, stellte die Radiborer Laientheatergruppe dort das Stück „Bauer mit Erbe“ vor, und am Donnerstag der Festivalwoche fand das Konzert der Bautzener Musikschule mit Werken sorbischer Komponisten statt. |
23.05.1988_eroeffnung_kreisfestival.txt · Zuletzt geändert: 2026/03/16 10:07 von admin
Seiten-Werkzeuge
Falls nicht anders bezeichnet, ist der Inhalt dieses Wikis unter der folgenden Lizenz veröffentlicht: CC Attribution-Share Alike 4.0 International
