21.04.2020_bm-vereidig_verabschied
Dies ist eine alte Version des Dokuments!
| Přisaha noweje wjesnjanostki a rozžohnowanje dotalneho dołholětneho wjesnajanosty | Vereidigung der neuen Bürgermeisterin und Verabschiedung des bisherigen langjährigen Bürgermeisters |
|---|---|
| Dnja 21.04.2020 wotmě so swjatočne posedźenje gmejnskeje rady w Radworju. Nimo powšitkownych dźěłowych dypkow steještaj dwaj wosebitaj dypkaj na dnjowym porjedźe: Nowa w februaru wuzwolena wjesnjanostka Madeleine Rentsch złoži přisahu na dobro gmejny skutkować - nastupi swoje nowe zastojnstwo 01.05.2020 - a dotalny wjesnjanosta so swjatočnje rozžohnowa. Tule někotre fakty ze 27-lětneho spomožneho skutkowanja Wincenca Baberškeho jako wjesnjanosta w Radworju: Prěni Radworski wjesnjanosta po politiskim přewróće, knjez Benno Hanski, wzda so chorosće dla srjedź lěta 1992 zastojnstwa wjesnjanosty. Z tuteje přičiny dyrbjachu so nowowólby přewjesć - hišće k postajenjam komunalneje wustawy NDR. Jako jenički kandidat powabi so knjez Wincenc Baberška jako wjesnjanosta gmejny Radwor a bu přez čłonow gmejnskeho zastupnistwa woleny - z jednym hłosom wjace, hač na kóždy pad trěbne. Dnja 01.11.1992 nastupi knjez Wincenc Baberška swoje zastojnstwo jako wjesnjanosta gmejny Radwor. 1994 wotmě so w Swobodnym staće Sakskej, dla zwjedźenja noweho Sakskeho gmejnskeho porjada, nowowólby wšitkich wjesnjanostow gmejnow we Swobodnym staće Sakska. Za wólby hłownohamtskich wjesnjanosty powabi so knjez Wincenc Baberška jako jenički kandidat a bu wot wólbokmanych wobydleri gmejny Radwor w k hłownohamtskemu wjesnjanosće woleny. Na zakładźe zwjazkoweho gmejnsko-reformoweho zakonja buchu w planowanski region Hornja Łužica - Delnja Šleska gmejny Minakał a Radwor k nowej gmejnje Radwor zjednoćene. Sćěh bě, zo knjez Wincenc Baberška wjace wjesnjanosta być njemóžeše ale bu wot 01.01.1999 do 21.04.1999 jako hamtski rjadowar za nowu zjednoćenu gmejnu zasadźeny. Dla zjednoćenja gmejnow běchu nětk zaso wólby wjesnjanosty trěbne. Tute wólby wotměchu so 28 měrca 1999. Knjez Wincenc Baberška powabi so a bu zaso za wjesnjanostu – nětko cyłeje zjednoćeneje gmejny woleny. Při slědowacych kóžde 7 lět so wotměwacych wólbach 19.03.2006 a 03.03.2013 přesadźi so wón wospjetnje přećiło druhim kandidatam a bu tak 5 razow zasobu k wjesnjanosće woleny! K wólbam w lěće 2020 so knjez Baberška wjace njepowabi a bu kónc apryla 2020 z dźakom za wuspěšne wjelelětne skutkowanje na dobro Radworskeje gmejny ze zastojnstwa rozžohnowany. |
21.04.2020_bm-vereidig_verabschied.1696598097.txt.gz · Zuletzt geändert: 2023/10/06 13:14 von admin
Seiten-Werkzeuge
Falls nicht anders bezeichnet, ist der Inhalt dieses Wikis unter der folgenden Lizenz veröffentlicht: CC Attribution-Share Alike 4.0 International
