19901003_wiedervereinigung
Dies ist eine alte Version des Dokuments!
03.10.1990
| Prěni swobodnje woleny wjesnanosta po politiskej změnje | Der erste frei gewählte Bürgermeister nach der Wende |
|---|---|
| Dnja 22.awgusta1990, šěsć tydźenjow po pjenježnej uniji ze zawjedźenjom hriwny we wuchodnej Němskej, rozsudźi prěni raz swobodnje wolena Ludowa komora na wurjadnym posedźenju z 294 přećiwo 62 hłosam (a 7 hłosa-wzdaćemi) přistup k ZRN, po tym zo bě prěnje wothłosowanje k tomu dnja 08. awgusta dla nic docpětych trěbnych dwě třećinje hłosow zwrěšćiło … „Ludowa komora zwurazni přistup NDR we wobłuku zakładneho zakonja Zwjazkoweje republiki Němskeje po artiklu 23 Zakładneho zakonja ze skutkownosću wot 3. oktobra 1990 sem.“ Z tym přewjedźe so juristisce znowazjednoćenje Němskeje 329 dnjow po potorhanju murje dnja 09.11.1989. Tutón rozsud měješe wliw na žiwjenje kóždeho wobydlerja Němskeje – a wězo tež na naš Radwor! Tola tak jednotne euforiske měnjenje pola ludźi zdźěla njebě, štož pokazuje sćěhowacy wurězk z tehdyšeho nowinarskeho artikla: Město znowazjednoćenja abo přistupa rěča mnozy we wuchodźe - a tež na zapadźe - Němskeje wo přewzaću abo přizamknjenju: Zapad je NDR spóžrěł, zarjadowany do kapitalistiskeho systema ZRN. Strach před pozhubjenjom identity, před tym, so za wotežku wzaty čuć a hospodarsce nic sobu dźeržeć móc, je wulki. Tež na zapadźe knježa strachi: Kónc dźělenja móhł woznamjenjeć, dźělić dyrbjeć - a w přichodźe so wšelkeho wzdać dyrbjeć. Budźe kraj něhdyšeho „hospodarskeho dźiwa“ telko solidarity tež financielneje přetrać? Kóždy njech za sebje hódnoći, do kotreje měry tehdy artikulowane wobmyslenja woprawnjenje mějachu a kelko z nich je dźensa woprawdźe rozrisane! We wjetšich městach wotměwachu so tež ludowym swjedźenjam podobne zarjadowanja – na kraju pak powšitkownje skerje njeběchu. W Radworju samym bě 03. Oktober 1990 cyle normalna srjeda, bjez kulturnych abo druhich wjerškow… | xxx |
19901003_wiedervereinigung.1671208536.txt.gz · Zuletzt geändert: 2022/12/16 16:35 von admin
Seiten-Werkzeuge
Falls nicht anders bezeichnet, ist der Inhalt dieses Wikis unter der folgenden Lizenz veröffentlicht: CC Attribution-Share Alike 4.0 International
