1922_sokol
Dies ist eine alte Version des Dokuments!
31.10.1922 - Sokoł
| Radworska jednotka Sokoła so załoži | Gründung des Sportvereins „Einheit Sokoł“ |
|---|---|
| 31. oktobra 1922 załožichu „Jednotu Sokoł“ w Radworju. Bě to rozsudny podawk za sokołske hibanje, přetož cyrkwinska wyšnosć njepodpěraše Sokoł jeho zwjazanosće z „ błudnowěriwcom „ Janom Husom dla, ale protegowaše załoženje katolskich sportowych jednotow „ Worjoła “. Hač na Kulow, hdźež so to nachwilnje poradźi, rozsudźichu wšak so młodźi katolscy Serbja, podpěrani wot někotrych swojich měšnikow, za jednotnu serbsku sokołsku organizaciju. W Radworju bě 25 do 30 załožerskich sobustawow, pozdźišo něhdźe 50. Wučer Michał Nawka pohnuwaše hólcow po wuchodźenju šule za sokołske sportowanje. Starostaj běštaj Mikławš Bjarš z Radworja, wot 1928 dwórnišćowy korčmar, a Michał Rječka swojeje wušiknosće jako braška a organizator dła. Jeju zastupjer běJurij Šenk z Bronja. Jako pokładnikaj skutkowaštaj pjekarski Pawoł Bělk a 1924 čeładnik Jurij Žur. Nazwučowar bě JanHandrik z Bronja. Prěni zapisowar bě wučer Pawoł Pjetaš, kiž 1924 „Jednotu Sokoł w Chrósćicach“ załoži. Prěnje zwučowanje Radworskeje Sokołskeje jednotki bě 09.11.1922 we korčmje „Erbgericht“ - kiž je dźensa hosćenc „Meja“. Załoženje sportoweje jednotki „Sokoła“ je spočatk organizowaneho ludoweho sporta w Radworju. Dźensniša sportowa jednotka SV1922 widźi so jako naslědnica a dźědźićelka sokołskeho sportoweho hibanja a ma tohodla lětoličbu załoženja Sokołske jednotki w Radworju we swojim mjenje. | ccc |
1922_sokol.1663577983.txt.gz · Zuletzt geändert: 2022/09/19 08:59 von admin
Seiten-Werkzeuge
Falls nicht anders bezeichnet, ist der Inhalt dieses Wikis unter der folgenden Lizenz veröffentlicht: CC Attribution-Share Alike 4.0 International
