Benutzer-Werkzeuge
Dies ist eine alte Version des Dokuments!
17.1.1996
| 100 lět nowa cyrkej - nowe pišćele we wosadnej cyrkwi poswječene | 100 Jahre neue Kirche - neue Orgel in der Kirche geweiht |
|---|---|
| Z wulkej swjedźenskej božej mšu woswjeći Radworska wosada njedźelu 17.11.96 100. róčnicu poswjećenja swojeje farskeje cyrkwje. K tomu witachu w kopatym połnym božim domje, kiž je swj.Mariji kralownje róžowca poswjećeny, Drježdźansko-Mišnjanskeho biskopa Joachima Reinelta. Jeho běchu do toho křižerjo přewodźeli z Chelna hač k cyrkwi, hdźež postrowištaj biskopa wosadny farar Clemens Hrjehor a wjesnjanosta Wincenc Baberška. Radworska wosada je dała k 100-ćinam wosadneje cyrkwje nowe pišćele Budyskeje Firmy Eule instalować. Nowa kralowna instrumentow, kotraž ma 22 registrow a 1 631 trubkow je někak 400.000 hr. płaćiła, wot kotrychž wosadni tři štwórće sami zwjedu, kaž wosadny farar Hrjehor wuzběhny. Za nowe pišćele bě z techniskich a wosebje z akustiskich přičin wjele předdźěłow trjeba. wot awgusta sem tójšto młodostnych a dorosćenych za to chór chětro přetwarili, wo jedyn meter znižili a hornje ławki wotpowědnje změnili. Tež elektroniska připrawa za pokazowanje kěrlušow so instalowaše. Tute nowe pišćele je biskop Reinelt na jubilejnej kermušnej Božej mši swjatočnje poswjećił, prjedy hač Budyski kantor Friedemann Böhme prěni raz na nich zahra. Radworski chór „Meja„ je božu mšu z Missu w C-dur wot Antonina Srby swjatočnje wobrubił. Kak nowe pišćele w swojej mnohostronskosći klinča, wo tym móžachu so Radworscy wosadni a mnozy wopytowarjo z bliska a daloka na popołdnišim nyšporje z pišćelowym koncertom přeswědčić. |
Für die neue Orgel waren aus technischen und besonders aus akustischen Gründen viele Vorarbeiten nötig. Seit August haben zahlreiche Jugendliche und Erwachsene dafür den Chor stark umgebaut: Um einen Meter abgesenkt und die oberen Bänke entsprechend verändert. Auch eine elektronische Vorrichtung für die Anzeige von Kirchenliedern, die der Organist bedienen kann, wurde installiert.
Diese neue Orgel hat Bischof Reinelt beim Jubiläumskirmesgottesdienst feierlich eingeweiht, bevor der Bautzener Kantor Friedemann Böhme zum ersten Mal auf der Orgel spielte. Der Radiborer Chor „Meja“ umrahmte die heilige Messe feierlich mit der Missa in C-Dur von Antonin Srba.
Von der Vielseitigkeit und Klangfülle der neuen Eule-Orgel konnten sich die Gemeindemitglieder und viele Besucher aus Nah und Fern während der Nachmittagsandacht bei einem Orgelkonzert überzeugen.|
Seiten-Werkzeuge
