15.05.1932_schulbezirke
Dies ist eine alte Version des Dokuments!
15.05.1932
| Staršiska zhromadźizna dla šulsko-wobwodnej reformy | Elternversammlung wegen Schulbezirksreform |
|---|---|
| Radworska šula bě 1932 hišće serbska šula. To rěka, wšitcy wuknjechu tež Serbšćinu. Šula bě we zamołwitosći gmejny a katolskeje cyrkwje. Prócowanja, serbskosć wróćo stłóčić so husto pod płašćikom wěry wjedźechu – přetož wulki dźěl dźěći, kiž z wokolnych wsow do Radworja do šule chodźachu, běchu z ewangelskich swójbow. To znjewužiwachu antiserbske kruhi jako argument za přerjadowanje šulskich wobwodow, štož by woznamjenjało, zo dźěći z někotrych wokolnych wsow njebychu wjace do Radworja, ale na přikład do Wjelkowa, Wulkeje Dubrawy abo Njeswačidła chodźili a z tym wjace serbšćinu njeměli. W lěće 1932 móžachu so tom hišće dowobarać – ale pozdźišo pod hitlerskim režimom hižo wjace nic! Tu wurězk z KP (21.05.1932) wo wurjadnje zwołanej staršiskej zhromadźiznje k tutej temje z lěta 1932: „Prěni dźeń swjatkow wotmě so tudy wulka staršiska zhromadźizna. Předsyda staršiskeje rady, knjez Brankačk-kěrchowski, wotewri zhromadźiznu a zdźěli, zo so zhromadźizna wotměwa na prěčo šulskeho předsydstwa. Wjesnjanosta, Jurij Brankačk, powita přitomnych a wozjewi, zo ma šula jara wažne jednanja z wyšnosću a zo je nuzne, staršich wo tym rozjasnić. Sobustaw šulskeho předsydstwa, knjez Jan Cyž-Stróžčanski, přednošowaše wo našim šulskim žiwjenju a pokaza na rozdźěl mjez starym a nowym šulskim zakonjom. Na wšě 10 lět wojuje naša šula wo swoje prawa. Hižo knjez kapłan Dórnik, nětko Zdžźěrjanski faraŕ, dyrbješe tu wobćežnje dźěłać. Wosebje za čas knjeza kapłana Grofy běchu potom jednanja jara ćežke. Naš šulski wokrjes dyrbješe dźěleny być a susodne wsy wokoło Radworja, hdźež je mjeńšina abo połojca katolska, dyrbjachu so susodnym ewangelskim šulam přićisnyć. Dokelž pak běchu naši ewangelscy susodźa z nami přezjedne, so wěc njewuwjedźe. Tež za čas knjeza kapłana Handriki wojowanje znowa wožiwi a to skoro hišće raznišo…“ |
15.05.1932_schulbezirke.1678702847.txt.gz · Zuletzt geändert: 2023/03/13 10:20 von admin
Seiten-Werkzeuge
Falls nicht anders bezeichnet, ist der Inhalt dieses Wikis unter der folgenden Lizenz veröffentlicht: CC Attribution-Share Alike 4.0 International
