10.11.2002_sanierung_gemeindeamt
Dies ist eine alte Version des Dokuments!
10.11.2002
| 19. Mikławšowy turněr | 19. Nikolausturnier |
|---|---|
| Žórło: SN 10.11.2002 Nimo sobudźěłaćerjow Radworskeho gmejnskeho zarjada wjeseli so předewšěm wjesnjanosta Wincenc Baberška, zo je přetwar stareje šule wotzamknjeny. Mjez druhim maja nětko rjanu posedźensku rumnosć. Nowy wonkowny napohlad je nětko tež Radworska stara šula, w kotrejž ma gmejnski zarjad swoje sydło, dóstała, po tym zo su zašłe lěta tamnišu nawjes dospołnje přetwarili. Móžna bu tuta twarska naprawa tež přez spěchowanske srědki we wysokosći 75% , kotrež je gmejna prizwolene dóstała. Dohromady su 170 000 eurow do saněrowanja inwestowali a při tym třěchu, wokna, fasadu a durje ponowili. Do třěchi zatwarichu dwě woknje, tak zo změja tam raz městno za gmejnski archiw, kotryž je tuchwilu hišće dosć rozbrojeny. Při wupytanju woknow, durjow a barby za fasadu je architekturny běrow Ehrlich ze serbskim sobudźěłaćerjom Měrkom Šěrakom wusko z wjesnym planowarjom hromadźe dźěłał, tak zo so wonkowny napohlad domu derje do wokoliny hodźi. Pomjatna tafla za kapłana Alojsa Andrickeho so tuchwilu hišće ponowja a so bórze zaso na zwučene městno wróći. We wobłuku twarskich dźěłow so mały přitwark při zadnim zachodźe wotstroni, w kotrymž bě tak mjenowany suchi nuznik za wobydlerjow hornjeho poschoda. W bydlenju w hornym poschodźe so nowa kupjel a centralne tepjenje zatwarištej. Wobstejace běrowowe rumnosće su tohorunja zdźěla přetwarili a wobnowili. Klětu chcedźa hišće schody w domje ponowić a wonka někotre parkowanske městna připrawić. |
10.11.2002_sanierung_gemeindeamt.1687447851.txt.gz · Zuletzt geändert: 2023/06/22 15:30 von admin
Seiten-Werkzeuge
Falls nicht anders bezeichnet, ist der Inhalt dieses Wikis unter der folgenden Lizenz veröffentlicht: CC Attribution-Share Alike 4.0 International
