Radibor - Chronik

M. Žur za předsydu dohladnistwa, k. M. Smoła-Bronjanski za městopředsydu a k. cyrkwinski wučer Šołta za ličerja (pokładnika). — Pjenjezy přijimać a wupłaćeć budźa so prěnju a trěću njedźelu kóždeho měsaca (t. j. zwjetša na njedźelach, na kotrychž je „Posoł“), a to popołdnju po nyšporje (w 3 hodź.) na šuli (deleka na prawu ruku). Dań płaći so po samsnych prawidłach a w samsnej wysokosći, kaž na krajnostawskej bance w Budyšinje. Na dań přinjesć smě kóždy, tež tajcy, kotřiž sobustawy njejsu, potajkim tež słužowni a dźěći. Zhubić při tym ničo móžno njeje, dokelž maja wšitke sobustawy ze swojim cyłym wobsedźenstwom a zamóženjom za kóždy nowy pjenježk rukować. — Prěni króć přijimać budźa so pjenjezy, jeli mjez tym wotmołwa wot hamtskeho sudnistwa dóńdźe, wurjadnje njedźelu 31. julija, tak zo budźa so hnydom wot přichodneho dnja danić.| nem |