Dies ist eine alte Version des Dokuments!
09.05.2021
| Bywši Radworski farar, Clemens Hrjehor, zemrěł | Der ehemalige Radiborer Pfarrer, Clemes Rehor, verstorben |
|---|---|
| Farar Clemes Hrjehor, dołholětny zasłužbny wosadny farar w Radworju, je 68 lětny njedźelu, dnja 09.05.2021, po poł lěta trajacej ćežkej chorosći zemrěł. Sobotu, dnja 15.05.2021 bu wón na Radworskim kěrchowje swjatočnje z wulkim přewodom měšnistwa a wosadnych ze wšitkich wosadow, w kotrychž bě spomóžnje a njehladajo swojich mocow skutkował. Clemens Hrjehor je so 07.05.1953 we Wotrowje narodźił. Na měšnika swjećeny bu 24.06.1978. W Radworju skutkowaše wot 01.06.1982 do 31.08.1997. Hač do lěta 1984 bě farski adjutor, 16.12.1984 so za Radworskeho fararja powoła. Radwor ma so jemu za wjele dušepastyrskich a twarskich iniciatiwow a skutkow dźakować. Njech su tu jeno někotre naličene: - Wurjadne dźěło z dźěćimi, młodźinu a z młodymi swójbami - Sobuiniciator zbóžnoprajenja Alojsa Andritzkeho - Jara dobre dorozumjenje z gmejnskim zarjadom a drustwom - Poskići Sošicec swójbje (Bosniscy ćěkancy) lěta dołho přebytk - Twar noweje pěstowarnje - Twar noweje fary a pobóčne twarjenja ze žurlu |
- Powjetšenje kěrchowa a sporjedźenje murje kěrchowa
Za jeho wulke zasłužby wo Radwor spožči jemu Radworska gmejna jako dotal jeničkemu “Čestne wobydlerstwo Radworja”.
Po Radworju bě Clemes Hrjehor 18 lět z fararjom w Chrósćicach. W lěće 2015 wotwoła jeho biskop z Chrósćic jako propsta do Kamjenicy. Tam měješe nimo dušepastyrstwa nadawk, štyri wosady do jedneje wulkeje zjednoćić. Tutón komplikowany nadawk je wurjadnje a přikładnje spjelnił. W meji 2020 jeho biskop ze zamołwitosće wuwjaza a farar Hrjehor přesydlich so do Budyšina, hdźež podpěrowaše měšnikow Budyskeho dekanata, wosebje tež w serbskich wosadach.
W januarje 2021 zhoni wo swojej njewuhojomnej chorosći a dnja 09.05.2021 zemrě w chorowni w Kamjencu.| něm |
Foto: R. Ledźbor
Seiten-Werkzeuge
