05.11.1896_glocken_kommen
Dies ist eine alte Version des Dokuments!
05.11.1896
| Zwony za nowu cyrkej přindu | Die Glocken für die neue Pfarrkirche kommen |
|---|---|
| Zwony za nowu Radworsku farsku cyrkej přiwjezechu so 04.11.1896 z ćahom na dwórnišćo Radwor. Wottam wotewzachu je dnja 05.11.1896 z pjeć konjacymi zapřahami w swjatočnym procesionje z jěcharjemi, šulerjemi, towarstwami a mnohimi wěriwymi a přewodźachu je k cyrkwi. Hižo w 7 hodź. běchu so Radworčenjo k dwórnišću podali, zo bychu sčasom na městnje byli a zwony k cyrkwi přewodźeli! Popołdnju zwony na cyrkwinu wěžu ćehnjechu a w zwóńcy montěrowachu. Nawječor zwonjachu zwony hižo prěni raz…! Zwony buchu w Drježdźanskej wuměłstwowej a zwonowej lijerni Bierling late. Biskop Wahl je tam na městnje hižo dnja 30.10.1896 poswjeći. Jednotliwe zwony maja sćěhowace zynki: B, Des, D, F, As. Wone su hłosowane na B-moll a B-dur z kotrymiž su hišće wšelake druhe kombinacije móžne. Najwjetši zwón, 60 centnarjow ćežki, je poswjećeny swjatej Mariji, druhi swjatemu Benej, třeći swjatemu Mikławšej, štwórty zbóžnikej swěta a pjaty Jězusej, na křižu mrějacemu. Wšě napisma na zwonach su serbske. Wšitke zwony su dary, kóždy je swojeho darićela namakał kotrehož mjeno je do zwona zapisane. Tři z tutych zwonow buchu hižo 1917 za wójnske zaměry sćazane a zničene. Fragmenty tutych zwonow z wobrazami swj. Beno namakamy dźensa w cyrkwinskim muzeju. Dalšej zwonaj dyrbještaj so w druhej swětowej wójnje wotedać - tak zo dźensa žadyn z tehdom wobstaranych zwonow wjace eksistuje! |
Fragmente dieser Glocken mit Bildnissen des hl. Benno befinden sich heute im Kirchenmuseum. Die zwei weiteren wurden im zweiten Weltkrieg eingezogen - so dass heute keine der damals beschafften Glocken mehr existiert!|
05.11.1896_glocken_kommen.1752349908.txt.gz · Zuletzt geändert: 2025/07/12 19:51 von admin
Seiten-Werkzeuge
Falls nicht anders bezeichnet, ist der Inhalt dieses Wikis unter der folgenden Lizenz veröffentlicht: CC Attribution-Share Alike 4.0 International
