Benutzer-Werkzeuge
05.07.1981_osterstele_ernuert
Dies ist eine alte Version des Dokuments!
05.07.1981
| „Jutrowny stołp“ ponowjeny so poswjeći | Eine „Ostersäule“ wiederhergestellt und geweiht |
|---|---|
| Njedźelu, 5. julija, poswjeći so ponowjeny jutrowny stołp při nabóčnych wrotach na kěrchow, pódla Křižneje cyrkwje. Tutón stołp bu poslednje dny wójny wot tankow powaleny a wobškodźeny a w běhu časa so dźěle stołpa zhubichu. Jenož z pěskowca dypana hłowa je so zdźeržała, ale bě chětro wobškodźena. Dobroćel wosady, Mikławš Bjarš z Radworja, je so za jeho ponowjenje zasadźował a pola knjeza wučerja Kubaša w Budyšinje fotografiju z dowójnskeho časa z tutym stołpom nadešoł. Na zakładźe tuteje fotografije a z pomocu tych zbytkow je inženjer Pětr Kubańk z Bronja z wulkej pilnosću na rysowance cyły stołp zrekonstruował. Ludowy zawod Łužiski zornowc w Kamjencu je tej dwaj dźělej stołpa rjenje ze zornowca znowa wudźěłał. Dokelž so z pěskowca dypana hłowa njehodźeše wjace ponowić. Tuž bě trjeba, hłowu z pěskowca znowa dypać dać. Tele ćežke dźěło je ćesar kamjenjow Peschel z Kamjenca jara wušiknje zdokonjał. Stołp rěka “Jutrowny”, dokelž je na jednym boku jeho hornjeho dźěla z kamjenja wućesany Chrystus na křižu ze swjatym Janom-japoštołom a božej maćerju pod křižom. Na napřećiwnym boku je z rowa stawacy Zbóžnik widźeć. Na třećim boku je zbudźenje Jairoweje dźowčički předstajene a na štwórtym boku spóznaješ, kak so Zrowastanjeny swjatej Mariji Madlenje zjewi. Stołpowu hłowu su tak zwjertnyli, zo hlada z rowa stawacy Zbóžnik na pohrjebnišćo. Do podnožow stołpa su zadypane tute słowa: RE-NOVATUM ANNO MCMLXXX, štož rěka: PONOWJENE W LĚĆE 1980. Žórło: KP, 06.09.1991 | Am Sonntag, dem 5. Juli, wurde die erneuerte Ostersäule am Seitentor zum Friedhof neben der Kreuzkirche, geweiht. Diese Säule wurde in den letzten Kriegstagen von Panzern umgefahren und beschädigt und im Laufe der Zeit verschwanden Teile der Säule. Nur der aus Sandstein gehauene Kopf hat sich erhalten, aber er war ziemlich beschädigt. Der Sponsor, Nikolaus Bjarsch aus Radibor, hat sich für seine Erneuerung eingesetzt und beim Herrn Lehrer Kubasch in Bautzen eine Fotografie mit dieser Säule aus der Vorkriegszeit entdeckt. Auf der Grundlage dieser Fotografie und mit Hilfe dieser Reste hat Ingenieur Peter Kubank aus Brohna mit großem Fleiß die ganze Säule rekonstruiert und neu gezeichnet. Der Volkseigene Betrieb Lausitzer Granit in Kamenz hat die zwei Teile der Säule schön aus Granit neu herausgearbeitet. Weil der aus Sandstein gemeißelte Kopf nicht mehr erneuert werden konnte, war es notwendig, den Kopf aus dem Sandstein neu machen zu lassen. Diese harte Arbeit hat Steinbauspieler Peschel aus Kamenz sehr geschickt geschafft. Die Säule heißt “Osternsäule”, weil auf der einen Seite seines oberen Teils aus Stein gemeißelt Christus am Kreuz mit dem heiligen Johannes-Apostel und der Gottesmutter unter dem Kreuz dargestellt ist. Auf der gegenüberliegenden Seite ist der aus dem Grab auferstehende Heiland zu sehen. Auf der dritten Seite ist das zum Leben erwecken von Jairs Töchterlein dargestellt und auf der vierten Seite erkennt man, wie der Auferstandene der Heiligen Maria Magdalena erscheint. Der Säulenkopf wurde so gedreht, dass der aus dem Grab auferstehende Heiland auf den Friedhof schaut. In den Sockel der Säule sind diese Worte eingemeißelt: RE-NOVATUM ANNO MCMLXXX, was heißt: ERNEUERT IM JAHR 1980. Quelle: KP, 06.09.1991 |
 Foto: KP, 1981 |  |
05.07.1981_osterstele_ernuert.1771846992.txt.gz · Zuletzt geändert: 2026/02/23 11:43 von admin
Seiten-Werkzeuge
Falls nicht anders bezeichnet, ist der Inhalt dieses Wikis unter der folgenden Lizenz veröffentlicht: CC Attribution-Share Alike 4.0 International
