05.03.1898_eisenbahnplaene
Dies ist eine alte Version des Dokuments!
Měrc - Apryl 1998
| Plany za sewjernosaksku železnicu přez Radwor | Pläne für die sächsische Nordeisenbahn durch Radibor |
|---|---|
| W prěnim połlěće 1898 so w nowinach wjele wo twarje sewjerneje sakskeje železnicoweje čary wot Lubija přez Radwor a serbske wjeski wokoło Chrósćić do Kamjenca a dale do Wulkeho Hojna (Großenhajn) pisaše. Zrealizowało je so potom hač do lěta 1907 jeno dźěl Lubij-Radwor. Dale so čara z financielnych přičin a dokelž so potrjeba wjace njewidźeše twariła njeje. Tu nastawk k tutej tematice z KP dnja 05.03.1898: — Pola knježerstwa je wěsta a wučinjena wěc, zo budźe w krótkim času železnica přez našu katolsku Łužicu twarjena, a to linija wot Lubija do Wulkeho Hojna. Kruch wot Lubija do Wósporka je, kaž je znate, hižo hotowy. Wot tud powjedźe do Radworja, hdźež budźe liniju Budyšin—Rakecy křižować; dale přez Łuh, Prawoćicy nimo Wićazec po dólčku nimo młyna, Čornu, wyše Ćěslic Božeje martry, farske pola, zady Fulkec, Worklečan łuki, Wudwor, Wěteńcu, Njebjelčicy, Jěžow, Kamjenc, Kinspork, Wulki Hojn. Hišće lětsa budźe z wuměrjowanjom, wottykowanjom a druhim přihotowacym dźěłom započate. Wšitke za to a přećiwo tomu powědanjo, dźěłanjo, pisanjo, zahorjenjo je nětko podarmo; dyrbimy wěcy brać, kajkež su a budźa. |
05.03.1898_eisenbahnplaene.1756204559.txt.gz · Zuletzt geändert: 2025/08/26 10:35 von admin
Seiten-Werkzeuge
Falls nicht anders bezeichnet, ist der Inhalt dieses Wikis unter der folgenden Lizenz veröffentlicht: CC Attribution-Share Alike 4.0 International
