Benutzer-Werkzeuge
04.11.1993_vorb.gemeindereform
Dies ist eine alte Version des Dokuments!
04.11.1993
| Gmejnska reforma 1994 přihotowana | Die Gemeindereform 1994 ist vorbereitet |
|---|---|
| W sakskej komunalnej politice běchu w lětach 1991-1994 prěnje prócowanja małe gmejny zjednoćić. Oficialne „Zasady ke komunalnemu cilowemu planowanju“ a směrnicy za dobrowólne gmejnske zjednoćenja orientowachu na minimalnu ličbu 2000 wobydlerjow za samostatne gmejny. Gmejnski porjad z lěta 1993 (SächsGemO) rjadowaše změny teritorijow a stwori prawniski zakład za tajke zjednoćenja. W zwisku z wukazanej gmejnskej reformu w Sakskej, kotraž wjedźeše zwjetša k přirjadowanju mjeńšich k wjetšej gmejnje, mějachu wobydlerjo hustodosć składnosć sobu rozsudźić, ke kotrej gmejnje chcedźa so přizamknyć. To potrjechi tež mjeńše susodne gmejny Radworja: Łupoj, Lutobč a Łuh-Chasow. W přihotach na zjednoćenje z Radworjom k 01.01.1994 přewjedźechu so w mjenowanych gmejnach wobydlerske naprašowanja: Gmejna Lutobč: Na wobydlerskej zhromadźiznje dnja 04.11.1093 so žadanje wulkeje wjetšiny wobydlerjow zwurazni, zo přistupi Lutobč k 01.01.1994 k gmejnje Radwor. Někotři radźićeljo chcychu to přestorčić, zo bychu gmejnske pjenjezy najprjedy za ryzy Lutobčanske zaměry přetrjebali. Spočatk awgusta při naprašowanju běchu so 80% wobydlerjow za přistup k Radworskej gmejnje wuprajili a tući žadachu, tole nětko tež zwoprawdźić. Radworski wjesnjanosta Baberška slubi, zo budu so po přistupje Lutobčanske pjenjezy jeno za projekty w Lutobču wužiwać. Na to Lutobčanska gmejnska rada přistupej přihłosowa. Gmejna Łupoj: Dnja 07.10.1993 běchu wobydlerjo Łupjanskeje gmejny namołwjeni, wo přichodźe swojeje gmejny we wobłuku gmejnskeje reformy rozsudźić. We Łomsku wuprajichu so z 83 procentami za přistup k Minakałej. 88,2 procentaj wobydlerjow we Łupoji a 75,4 procenty we Łupjanskej Dubrawce pak rozsudźichu so za Radworsku gmejnu, kotraž ma z tym jako samostatna gmejna swój přichod zawěsćeny. Gmejna Luh-Chasow: Hižo w meji je so w Chasowje naprašowanje přewjedło hač chcedźa Chasowčenjo k Radworskej gmejnje přistupić abo k Njeswačidłu. Po wuličenju hłosow kónc meje je rozsud nětko padnył: Chasow přizamknje so Radworskej gmejnje. Dokładnje 65,5 procentow wšěch woprašanych so za to rozsudźi. Gmejnski parlament we Łuze je tole bjezposrědnje na to oficialnje wobzamknył. Tutón formalny akt bě trěbny, zo móhło nětko zjawnoprawniske dojednanje sćěhować. Łuh sam přidruži so Njeswačidłu. 29.09.1993 je Radworski gmejnski parlament jednohłósnje přistupej Chasowa spočatk lěta 1994 do Radworskeje gmejny přilosował. |
04.11.1993_vorb.gemeindereform.1767534348.txt.gz · Zuletzt geändert: 2026/01/04 13:45 von admin
Seiten-Werkzeuge
Falls nicht anders bezeichnet, ist der Inhalt dieses Wikis unter der folgenden Lizenz veröffentlicht: CC Attribution-Share Alike 4.0 International
