Radibor - Chronik

Taflu da zhotowić a připrawi chór „Meja“ swojemu załožerjej na wopomnjeće jeho 150 posmjertnych narodnin. Słodenk bě w lětach 1894-1899 wučer w Radworju. Wuchadźejo z iniciatiwy we Radworskim towarstwje „Katolska bjesada“ zwoła wón 18.01.1895 spěwarjow k prěnjemu zwučowanju. Z tutych zhromadźenych spěwarjow nasta chór „Meja“, kiž hižo 1896 na poswjećenju Radworskeje noweje cyrkwje missu spěwaše! Słodenk załoži po tym, zo sta so z wučerjom w Pančicach, tež wučerski chór „Lipa“ Chór Meja zaspěwa (w narodnych drastach) składnostnje wotkryća tafle někotre spěwy a přizamkny so bjesada z małym připitkom a přikuskom. | xx |