Dies ist eine alte Version des Dokuments!
Swjedźenski tydźeń 100 lět organizowany sport w Radworju | Festwoche 100 Jahre organisierter Sport in Radibor |
---|---|
Dnja 31.10.1922 załoži so w Radworju jako prěnjej serbskej katolskej wjesce jednotka „Sokoła“. Sokoł organizowaše sportowe hibanje wosebje mjez młodźinu. Běchu to tehdy aktualne sportowe družiny kaž čěłozwučowanje-gymnastika a lochkoatletika. Kónc 20-tych lět přidruži so tež kopańca. Załoženje sokołskeje jednotki w lěće 1922 bě spočatk organizowaneho sporta w Radworju. Radworska sportowa jednotka nosy dźensa tutu lětoličbu tež w swojim mjenje. Tuž njeje dźiwa, zo so 100-lětny jubilej spočatka organizowaneho sporta hódnje woswjeći. W přihotach na swjedźenowanje w 2. połojcy 2022 ponowi so tež dom sportowcow „Zelena hałužka“. Ale hłownje: W tutym jubilejnym lěće organizowa so cyły rjad hódnych sportowych zarjadowanjow (hlej program deleka). Wot 02.09. do 11.09.2022 bě wjeršk jubilejneho lěta - swjedźenski tydźen - za kotryž bě wulki komfortabelny stan na małym sportnisću postajeny. Tam wotměchu so wjele zarjadowanjow za sportowcow, tež za dźěći a młodostnych a wšěch wobydlerjow Radworja. Wulki swjedźeń zarjadowa so dnja 03.09.2022. Radworscy sportowcy woswječichu stoćiny swojeje sportoweje jednotki zhromadnje ze sportowcami zašłych generacijow, sponsorami, oficijalnymi hosćemi sporta a politiki a z wjele, wjele gratulacijemi swojich hosći. W narěčach a z wobrazami rysowachu so stawizny sporta w Radworju a cyły rynk zasłužbnych sportowcow so za swój wurjadny čestnohamski engagement wuznamjenjeni. Dalše w jara informatiwnej knize „Stawizny sporta w Radworju“ wot Joachima Buscha, w kotrejž je wón 100-lětne stawizny sporta w Radworju w lětach wot 1922 do 2022 jara nazornje dokumentował. | Weite Informationen findet man im sehr informativen Buch „Geschichte des Sports in Radibor“ von Joachim Busch, in dem er die 100-jährige Geschichte des Sports in Radibor von 1922 bis 2022 sehr anschaulich dokumentiert hat. |
Hlej tež: 31.10.1922 - Załoženje Sokoła 17.05.1931 - Sokołski zlět w Radworju | Siehe auch: 31.10.1922 - Gründung des Sokoł 17.05.1931 - Sokołtreff in Radibor |