Radibor - Chronik

Hač do septembera 1960 běchu wšitke ratarske zawody do prodrustwow zastupili. Wot stata pósłani wabjerjo běchu husto z jara brachialnymi srědkami burow „přeswěčowali“, doniž woni samostatne ratarjenje tola njespusćichu. Někotrych, kotřiž so jara spječowachu, samo na wjacore tydźenje do jastwa tyknjechu! Tak załožichu sebi burja hustody pod wěstym statnym ćisćom swoje ratarske drustwa. Swoju njewolu k tomu widźimy zdźěla z mjenow, kiž dachu drustwam - Radworste drustwo typy jedyn rěkaše na prikład „Bóh škitaj nas“! Prěni předsyda Radworskeho prodrustwa typy 1 bě připóznaty srěni bur Jakub Běrk. Wón měješe swój drustwowy běro w swójskim domskim (na wobrazu nalěwo) w hornim poschodźe - jednu mału komorku!