| Kapłan Brězan woteńdźe z Radworja | Kaplan Bresan verlässt Radibor |
|---|---|
| Kónc januara je so knjez kapłan Michał Brězan do jedneje němskeje wosady přesadźi. Do Radworja přišoł bě 01.08.1972. Tak je jeno 2 a poł lěće w Radworju skutkował - a smy nětko bjez kapłana. Njesmě to być a wostać starosć jenož Radworskeje wosady, ale wšě serbske wosady maja tu swoju sobuzajimosć a swoju solidaritu z Radworjom začuć a wuprajić. Kóždy dyrbi sej tola wědomy być, zo smy žiwi w času, kiž je połny krizow a strachow za naš lud. My chcemy so wězo modlić a boha prosyć za duchowniski dorost, ale dyrbimy tež wšě móžnosće wučerpać, kiž nam někak zbywaja. Wobžarować so dyrbi, zo je knjez Brězan scyła ze Serbow přesadźeny azo so njeje snadź dosć wo to prócowało, zo by so někajke wuměnjenje mjez kapłanami stało. Žórło: wurězk z KP 1975, str. 39 | Ende Januar wurde Herr Kaplan Michael Bresan in eine deutsche Pfarrgemeinde versetzt. Nach Radibor gekommen war am 01.08.1972. So hat er nur zweieinhalb Jahre in Radibor gewirkt - und jetzt sind wir ohne einen Kaplan. Das darf nicht die Sorge nur der Radiborer Kirchgemeinde bleiben, sondern alle sorbischen Kirchgemeinden müssen ihr Miteinander und ihre Solidarität mit Radibor spüren und äußern. Jeder muss sich doch bewusst sein, dass wir in einer Zeit leben, die voller Krisen und Ängste für unser Volk ist. Wir wollen natürlich beten und Gott bitten für geistlichen Nachwuchs, aber wir müssen auch alle Möglichkeiten ausschöpfen, die uns irgendwie verbleiben. Bedauern muss man, dass Herr Brězan überhaupt aus den Sorben heraus versetzt wird, dass man sich vielleicht nicht genug darum bemüht hat, dass ein sinnvoller Tausch zwischen den Kaplänen geschehen ist. Quelle: Ausschnitt aus KP 1975, S. 39 |