| Dnja 23.06.2023 bě za lěkarku dr. Moniku Liznarjowu posledni dźěłowa dźeń w swojej praksy w Radworju. Je so tu 32 lět swěru wo swojich pacientow starała a sebi wjele připóznaća a přichilnosće zdobyła. W lěće 1991 bě praksu wot dr. Nawcynej přewzała a ju dale wutwariła. A je tutu praksu jako serbsku dale wjedła a so starała, zo tež naslědnje serbskej lěkarce tu dale dźěłatej. 2020 je so w jeje Rumnosćach praksa dźěcaceje lěkarki dr. Jadwigi Wałdźinej wotewriła a praksu za powšitkownu medicinu přepoda swojej naslědnicy, młodej lěkarce dr. Francizce Krawcowej. Dr. Krawcowa je hižo dwě lěće jako lěkarka w fachowym wukubłanju w praksy dr. Liznarjowej dźěłała a k 01.07.2023 praksu přewzała. Dnja 07.07.2023 woswjećichu tu dospołnje přez swójbu Liznarjec přetwarjenu praksu z domyswjećenjom a wjele hosćimi. | Am 23.06.2023 war für die Ärztin Dr. Monika Ließner der letzte Arbeitstag in ihrer Praxis in Radibor. Sie hat sich hier 32 Jahre treu um ihre Patienten gekümmert und viel Zuspruch und Zuneigung erworben. Im Jahr 1991 hatte sie die Praxis von Dr. Maria Nawka übernommen und sie weiter ausgebaut. Und sie hat diese Praxis als sorbische weitergeführt und dafür gesorgt, dass auch nachfolgend sorbische Ärztinnen hier weiterarbeiten. 2020 wurde in ihren Räumlichkeiten die Praxis der Kinderärztin Dr. Jadwiga Walde eröffnet und die Praxis für Allgemeinmedizin übergab sie ihrer Nachfolgerin, der jungen Ärztin Dr. Franziska Schneider. Dr. Schneider hat schon zwei Jahre als Ärztin in der Fachausbildung in der Praxis von Dr. Ließner gearbeitet und nun diese zum 01.07.2023 übernommen. Am 07.07.2023 weihte man die vollständig durch Familie Ließner umgebaute Praxis mit Segnung der neuen Räume und vielen Gästen ein. |